सुकन्या समृध्दी खाते उघडा आणि मुलींचे आयुष्य उज्ज्वल करा! Sukanya Samriddhi Account

Sukanya Samriddhi Account: मुलीच्या भविष्यातील शिक्षणविषयक आणि लग्नविषयक गरजा भागविण्यासाठी “बेटी बचाओ, बेटी पढाओ” या योजनेअंतर्गत 22 जानेवारी 2015 रोजी पंतप्रधान नरेंद्र मोदी यांनी या योजनेची घोषणा हरियाणामधून केली होती. 

काय आहे योजना?

✅ दहा वर्षाच्या आतील मुलींच्या नावे पोस्टामध्ये किंवा अधिकृत व्यापारी बॅंकेत मुलीच्या पालकांना सुकन्या समृध्दी खाते काढता येईल.

✅ कुटुंबातील फक्त दोन मुलींना लाभ मिळू शकेल.

✅ दत्तक घेतलेल्या मुलीच्या नावे खाते काढण्याची सुविधा 2017 पासून देण्यात आली आहे.

✅ जुळया मुली असतील तर त्यांना या योजनेचा लाभ स्वतंत्रपणे मिळेल म्हणजे त्या कुटुंबातील तीन मुली लाभ घेउ शकतील.

✅ या योजनेंतर्गत 10 वर्षाखालील मुलींचे खाते उघडले जाते.

✅ 250 रुपयांपासून ते दीड लाखापर्यंत गुंतवणूक करता येते.

✅ वर्षभरात किमान रक्कम खात्यामध्ये भरली न गेल्यास 50 रु. इतका दंड आकारण्यात येतो.

✅ या योजनेअंतर्गत करण्यात येणारी गुंतवणुक प्राप्तिकर कायदा 1961 कलम 80 सी नुसार करमुक्त असेल तसेच या ठेवीवर मिळणारे व्याजही करमुक्त असेल.

✅ मुदत ठेवीचा कालावधी खाते उघडण्यापासून 21 वर्षे एवढा आहे.

✅ मॅच्युरिटीनंतर म्हणजेच मुलीच्या वयाची 21 वर्षे पूर्ण झाल्यावर खाते बंद न केल्यास शिल्लक रकमेवर बॅंक किंवा पोस्ट खात्याच्या चालू व्याजदरात व्याज मिळत राहते.

✅ मुलीने 18 वर्षे पुर्ण केल्यास तिच्या उच्च शिक्षणासाठी मागील आर्थिक वर्षाच्या शिल्लक रकमेवर 50 टक्के रक्कम काढता येउ शकते.